Algemene Jaarvergadering | Maandag, 12 Februarie 2018 om 16:00
Palinggat-Oord Saal, Stilbaai-Wes

Tydens die Algemene Jaarvergadering, gaan die Munisipale Bestuurder, Mnr Johan Jacobs, die vergadering inlig wat die Hessequa Munisipaliteit met Erf 657, Stilbaai Wes be-oog.

Hierdie erf behels die groot oop spasie aan die oorkant van die munisipale kantore wat al langs Hoofweg-Wes loop vanaf die Jongensfonteinpad tot by die Gholfbaan (Arendstraat). Die vierde sykant van hierdie pragtige stuk grond, is Bosbokduinlaan bo-op die bult wat die Jongensfonteinpad met Skulpiesbaai en Bosbokduin verbind.

Die SBF se standpunt tov hierdie strategiese stuk grond word hieronder uiteengesit. Dit is onderhewig aan wysigings en aanpassings wat gegrond sal wees op die insette wat gelewer, en die voorstelle wat gemaak gaan word deur lede tydens die komende jaarvergadering. Die Stilbaai Belangeforum is versoek om ‘n aanbeveling te maak aan die Hessequa Munisipaliteit oor die genoemde stuk grond.
Aangesien die sogenaamde “urban edge” vir die afsienbare toekoms (tot soveel as 30 jaar) blykbaar nie uitgebrei gaan word nie, sal iets met hierdie strategiese stuk grond noodwendig moet gebeur. Dis gemene saak dat die status quo nie onbepaald gehandhaaf sal kan word nie.

Die gemeenskap van Stilbaai is baie geheg aan hierdie ongerepte stuk grond en beskou dit juis as een van die faktore wat ons dorp so ‘n aantreklike bestemming maak. Waar elders kry mens so ‘n pragtige stuk grond met van die mooiste kusbos in die omgewing, in die middel van ‘n dorp ? Baie inwoners glo dat die bosbokke, grysbokkies en duikers asook talle soorte skilpaaie wat mens so dikwels sien, juis hulle weg na die dorp vind deur hierdie groen strook.

Die grond is ‘n munisipale bate en waar die munisipaliteit deurlopend onder finansiële druk verkeer, moet iets gedoen word in belang van, nie alleen die munisipaliteit nie, maar inderdaad ook in die belang van die hele samelewing met insluiting van vakansiegangers en toeriste wat Stilbaai spesifiek opsoek vir bogenoemde redes.

Die voorstel dat die hele gebied as natuurbewaringsgebied geproklameer word om as brug te dien tussen die Palinggat groengebied en die Skulpiesbaai Natuurreservaat, maak sin omdat die groen gebied wat langs die weg vergroot sou
kon word, feitlik ononderbroke, veilige en besonder aantreklike staproetes en fietspaaie vir inwoners en vakansiegangers sou kon bied. Dit mag mettertyd ‘n goeie belegging blyk te wees om benewens die strande en die rivier as ‘n verdere besondere trekpleister te dien om toeriste na ons dorp te lok, veral in die lig van die toenemende bewuswording van die verwoesting van die omgewing wêreldwyd. ‘n Groen ongerepte dorp word algaande al hoe meer spesiaal en gesog. (Vervolg)

Met die aanbreek van die nuwe universiteitsjaar hoor ek hoe die opgewonde jong skoolverlaters met soveel opwinding uitsien na die eerste jaar as student weg van die huis.

Ek kan nie help om met ‘n glimlag terug te dink aan my eie kind se studente dae nie.
Ja, daar wag verseker nog ‘n paar minder aangename verrassings op hulle en op hul ouers.

Die opwinding van ‘n eie blyplek maak vinnig plek vir al die verantwoordelikhede wat daarmee saamgaan.
Met ‘n skok besef hulle … daar is nie meer net elke aand ‘n bord tuisgemaakte kos nie. Grace is nie meer daar om skoon te maak, wasgoed te was, te stryk, bed op te maak ens., ens., nie !

Na so 3 weke op haar eie het ek gaan kuier.
Nog nooit was ek met soveel blydskap ontvang nie en kort voor lank borrel dit uit.
“Ma, om so op jou eie te bly het my laat besef – daar is nie elke dag net kos nie. Jy moet dit eers gaan koop, dan gaarmaak, eet en dan nog opruim en skottelgoed was ook.” Die wasgoed …, bed opmaak …, die stort…,” en so babbel sy aan.

Maar ek moet sê, na ‘n paar maande het sy dit “genail” (soos sy dit gestel het) en selfs haar begroting het geklop.

Dit alles, nie sonder hulp, trane, ondersteuning, bemoediging en gebed nie.

So vir die ouers met alleenbly kinders op universiteit, moet nie onnodig stres nie. Ten spyte van al jou bekommernisse, is die kans baie goed dat jou kind jou aangenaam gaan verras.

Hoe moeilik ookal, hulle wil net hê ons moet hulle vertrou, hulle foute vergewe en hulle die geleentheid gee om hulself te bewys.

MEMBERSHIP
Please take note that the U3A courses, group activities and outings are for members only. The main reason is that our constitution provides indemnity to members against injury or damages. Members are welcome to bring guests who are visiting Stilbaai, or invite individuals whom you want to introduce to U3A. But if permanent residents of Stilbaai want to partiipate regularly, they must join U3A Stilbaai; surely R30 a year is an afffordable amount .

U3A Stilbaai Groups:
The following group activities are taking place:
Hiking Groups : The group hikes every Friday morning. Cheryl Worth, who has convened this group from the start, is now handing over to Andre and Hanlie Bezuidenhout. Thanks to her enthusiasm and dedication, the hiking group is without doubt our most successful group – we owe Cheryl our appreciation and thanks. You can now contact Andre at andre@andrebez.co.za.
Walking Group : The group walks every Friday at 08h00. Contact Debra at barltropd@gmail.com for more information.
Bird Group : Any member interested in joining the Bird Group, please contact Johan at rooyenvanjohan@gmail.com
Photography Group : A photography group has been established, any member interested can contact Lawrence at barltrop@vodamail.co.za.
Share Group : The share group meets regularly; any member interested can contact Christo at christoprins208@gmail.com.
Neuroscience Group : Stefan has formed a group interested in neuro-science discussions, contact him at stefanpretorius877@gmail.com.

TALKS TO COME …
There are a number of speakers lined up for next year, we have the first three months confirmed:

26 February 2018: Mike Steytler will talk about Superbugs and their treatment.
26 March 2018: Pieter van Niekerk will take us on a tour of Australia on his Harley-Davidson.

U3a Stilbaai improves the quality of life of people of mature age, especially retirees, and encourages the maintenance of intellectual capacity through stimulating programmes of learning and teaching and the social contacts derived there from. (Contact: info@u3astilbaai.org)

Die Stilbaai Belangeforum het ‘n “Botanical Conservation Value Assessment” ten opsigte van die eiendom laat doen deur Regalis Environmental Services van Oudtshoorn, Mnr Jan Vlok, wat die botaniese belangrikheid van hierdie stuk grond beskryf. Voorstelle deur die Belangeforum gemaak, berus grootliks op die inhoud van hierdie verslag.

Die ander uiterste is om die hele gebied te ontwikkel en op te verdeel in beide woon- en besigheidserwe. Die Raad gaan seer sekerlik sy belastingbasis langs die weg verbreed, maar Stilbaai gaan ook iets inboet wat onvervangbaar is.

Die tyd vir ‘n haalbare kompromie het aangebreek met die Belangeforum wat die volgende voorstel:

Dat die gebied ontwikkel word op min of meer dieselfde basis as die Skulpiesbaai-ontwikkeling ten Noorde van Bosbokduin.
Dat 60% van die strook dien as groen verbindingstrook tussen die Palinggat groengebied en die Skulpiesbaai-natuurreservaat.
Dat die oorblywende 40% ontwikkel word as hoë koste permanente- of vakansiebehuising ten einde voldoende munisipale belasting vir die munisipaliteit te verseker – die erwe sal gesog wees omdat hulle van die beste uitsig gaan hê; hulle kry derhalwe oorwegend toegang vanaf Bosbokduinlaan en Arendstraat.
Dat die begraafplaas op die hoek van Hoofweg-Wes en die Jongensfonteinpad uitgebrei word na die oorkantste hoek en sodoende as’t ware ‘n spieëlbeeld vorm van die huidige begraafplaas.
Geen besighede van enige aard moet langs Hoofweg-Wes gevestig word nie omdat dit te drasties inbreuk gaan maak op die rustigheid van die reeds gevestigde woonbuurte aan die rivierkant van Hoofweg-Wes en langs Jongensfonteinpad. Dit sou ook in hierdie juweel-gebied die balans tussen ontwikkeling en bewaring wat ons voorstel, onherroeplik versteur.

Die Stilbaai Belangeforum glo dat die ontwikkeling van die grond op die wyse soos deur ons voorgestel ‘n kompromie daarstel. Een wat die belastingbasis van die Raad uitbrei en sal verseker dat die dorp genoeg van sy bekoorlikheid sal behou sonder om iets in te boet wat vir die groot aantal natuurliefhebbers in ons dorp onvervangbaar is. Die uitbreiding van die begraafplaas los ook ‘n probleem op omdat die huidige een se spasie onvoldoende raak. Wat die 60% groenstrook betref, spreek dit vanself dat dit na behore voorsien moet word met wandelpaaie en selfs fietsrypaaie.

Stappers moet vry kan beweeg vanaf die rivier by die monding van die palinggatstroompie tot by die viskrale by Bosbokduin.
1
(Gustav Radloff: 083 459 4998)