KLIPKOP INWONERS

article-pic-1

NUWE KLIPKOPINWONER IN STILBAAI VERDWYN
Hessequa Nuus het gehoor dat ons bekende klipkopmannetjie verdwyn het. Die vraag is nou: ‘Hoekom, wanneer en wie is so vernielsugtig”. ’n Rukkie gelede het Bobby Mitchley van Stilbaai ons vertel van ‘n nuwe inwoner wat hom kom tuis maak het regs van die hawe op die rotse by Skulpiesbaai. Bobby het ‘n foto van die meneer op Facebook geplaas wat groot belangstelling gelok het. Lesers het gevra waar presies hy hom bevind en of ons vir hulle kon sê wat sy naam is. Twee dae later verskyn daar weer ’n foto van hom waar hy liefderik met ’n baie aantreklike dame hande vashou. Hy het verseker nie gras onder sy voete laat groei nie. Weer was daar baie trefslae. Die storie loop omtrent lekker in die dorp en ‘n mens voel die die afwagting en hoor hoe die mense oor die karnallie praat. Die meneer is stomgeslaan oor die belangstelling in sy doen en late en slaan toe. Heeltemal stom is hy.  Hessequa Nuus het van die storie gehoor en ge vra dat enige iemand wat van die mannetjie weet en informasie oor hom het, na vore kom.

’n Rukkie later het Dawid Bester ’n foto geplaas van ’n hele klompie klipkinders by Skulpiesbaai. Dit het gelyk of Klipkopman sy gesin gaan haal het in Klipland.Party mense wou die groepie verf, maar die meerderheid het gevra dat hulle net so natuurlik gelaat word.Vandag het Bobby laat weet dat hy Klipkpman wou gaan groet het, maar dat hy verdwyn het.Hoekom sou iemand hom afbreek? Waar kom die vernielsug op die mooie Stilbaai vandaan?Dit is onstellend dat iets so natuurlik, oorspronklik en wat so ’n positiewe reaksie uitgelok het, net vir die grap daarvan verniel is. Ons voel saam met die kunstenaar of kunstenaars wat so ’n bietjie prettigheid aan Stilbaai wou bied.   foto-2

Print Friendly, PDF & Email

Leave a Reply