Month: October 2016

Die Goliath Davids/Hessequa Toneelfees het Saterdagaand 15 Oktober met dawerende sukses ten einde geloop. Na die prysduitdeling is ons onthaal op Die Goliath Davids Arts Academy (Heildelberg) se wenproduksie by Artscape en Montagu Skoletoneelfees: ‘Geketting’ (regie Peter-John Davids)

Gaste het toe versnaperinge, verskaf deur die Davids familie, geniet waarna ons na  Vinette Ebrahim se komiese, ontroerende ‘Invisible’ oor Katie Kacobs wat uit Distrik 6 gesit is, maar nooit haar menswaardigheid verloor het nie. “Pa sê: ‘Bloed is rooi en velkleur is f#kol, maar maniere is alles.”Amen”. Veels geluk aan die talle deelnemers van 12 skole . Robinvale Sekondêre Skool, Atlantis het gewen met ‘Diekie van die Bo-Kaap’. Team Bring It van Worcester was tweede. Freek Oerson van Bontebok Primêre Skool met hulle ‘The Law’ was die wenproduksie vir die outjies tot en met graad 7. Laerskool DeWaalville was tweede.

Alhoewel al die stukke ook Engels bevat het, was dit oorwegend Afrikaans deurspek met die ongelooflike kleurryke Afrikaaps- skerp. Aisha se vriendin (uit Diekie van die Bo-Kaap) raai haar na Diekie se dood aan dat sy vir ‘n ‘abortion’ moet gaan. Antwoord Aisha: “Man, my ma slaat my vrek met abortion en al.” Snaaks en skreiend. 2017 is om die draai en al die Heidelberg skole moet inskryf. Ook Riversdal en Albertinia. Moenie dat die besoekers ons ore aansit nie.
Ander bekendes wat ook die geleentheid bygewoon het, is Irma Huysamer en William Mills, Tessa Haasbroek en Elize Claassen, alvier van Stilbaai.  

Die Stilbaai Musiekvereniging se voorlaaste konsert van die jaar met Ian van Rensburg, die befaamde violis en konsertmeester van die Aarhus
Simfonieorkes van Denemarke en die talentvolle Suid-Afrikaanse pianis Tertia
Visser- Downie vind plaas op Woensdagaand 19 Oktober 2016 om 19.30 in die NG Kerksaal-Oos, Stilbaai. Werke van oa. Vivaldi, Beethoven, Grieg,
Paganini, Kreisler en meer moderne komponiste kan gehoor word.
Ian van Rensburg is tans op besoek aan Suid-Afrika. Hy speel reeds sedert sy sewende jaar viool, is aanvanklik in Suid-Afrika onderrig deur Alan Solomon en daarna aan die Julliard School of Music in New York en in Weenen, Oostenryk. Hy tree daarna op as konsertmeester van verskeie simfonieorkeste dwarsdeur Europa, reis wyd, en tree oral op as solis óf saam met kamermusiekorkeste. Sedert 1993 is hy die konsertmeester by die Aarhus Simfonieorkes in Denemarke. Hy was ook lid van Duo Paganini, die beroemde viool en kitaarduo
wat ‘n paar jaar gelede Suid-Afrika besoek en oral, ook in Stilbaai, gehore verstom het met sy virtuositeit.
Tertia Visser-Downie is een van Suid-Afrika se beste pianist wat ‘n honneursgraad in musiek aan die Universiteit van Stellenbosch en UNISA- lisensiate in beide uitvoering en onderrig met onderskeiding verwerf het. Sy het reeds opgetree saam met verskeie simfonieorkeste in Suid-Afrika en internasionaal en word gereeld genooi om as offisiële begeleier op te tree by nasionale kompetisies.Sy het bv. die algehele wenner van die UNISA Internasionale Strykerskompetisie van 2010, die violis Yura Lee begelei. In 2009 het sy en Philip de Vos ‘n nasionale toer onderneem met Mussorgsky se “Prente op ‘n Uitstalling” en “Kinderscenen” van Schumann op verhoog,
televisie en radio. Sy is tans ‘n deeltydse lektrise aan die South African College