Archive for January, 2017

SONDAG-KITAARKONSERT IN STILBAAI

Die Stilbaai Musiekvereniging bied op Sondagmiddag 29 Januarie 2017 om 4nm. ‘n konsert aan in die NG Kerksaal-Oos waarin drie beroemde Suid-Afrikaanse klassieke en kontemporêre kitaarspelers onder leiding van Herman Bergman (as komponis) met Charl Lamprecht en Werner Bessinger optree saam met twee plaaslike musikante, Waldemar van Wyk (basviool) en Prieur du Plessis op dromme. Die vertoning, bekend as “ Mahai” is ‘n versameling oorspronklike nuut gekomponeerde instrumentale kitaarmusiek, soos vervat in die album wat in 2016 op CD uitgereik is en oral met groot entoesiasme ontvang is. Dit is gespeel op Classic FM en Fine Music Radio met Morning Live het ‘n lewendige optrede daarvan uitgesaai op SABC. Kritici is ook gaande daaroor.
Die groep word gelei deur Herman Bergman (ook bekend as Herman van den Berg), die tweemalige SAMA-finalis, wat reeds 5 albums met Afrikaanse musiek uitgereik het en musiek gekomponeer het vir twee TV-reekse nl. Binnelanders en Kampituit. Hy het ook die musiek van Jacques Brel in Afrikaans vertaal en dit oral in Nederland en België uitgevoer. Saam met hom tree op Charl Lamprecht, ‘n klassieke kitaarlektor aan Tukkies, Unisa en Pro Arte, die eerste musiekstudent aan die Universiteit wat met kitaar as eerste instrument sy B.Mus (met onderskeiding) voltooi het. Werner Bessinger, die derde kitaarvirtuoos is ook ‘n befaamde luitspeler wat sy opleiding in Spanje en Indonesië ontvang het. Waldemar van Wyk, op basviool kom van Knysna ,is die stigter van die Knysna Jazz Quartet en het al saam met Paul Simon, Johnny Clegg, Wendy Oldfield en Sipho Gumede opgetree. Prieur du Plessis, die dromspeler kom van George en het al opgetree saam met Elvis Blue en Karen Zoid.
Waarlik ‘n vertoning wat nie gemis kan word nie!
Lees elders meer oor die Stilbaai Musiekvereniging.

Danie: 028 754 2833 / 083 258 8789  

 

Niel Rademan, uitvoerende hoof van die Suidoosterfees het laat weet dat die internasionale kabaretster, Sarah Tullamore op 24 Maart 19:00 by sy teater, Dasjesdrift, Heidelberg optree.
Soos Niel se. “Straight from the Edinburgh Fringe”. Me. Tullamore is ’n bekende op Europa se teaterverhoe en het reed talle lofbetuigings ontvang vir haar optredes. Sy sal begelei word deur die musikante wat haar op hierdie toer vergesel. Haar optredes oral in Suid-Afrika, sluit ook ’n vertoning by die bekende teaterkroeg Alexander Bar in Kaapstad in.
Wat ’n voorreg om ’n kunstenaar van hierdie formaat aan te bied in die pragdorpie, Heidelberg. Voorwaar ’n “scoop” soos wat ons in teaterkringe sê.
Vir die lesers wat nie weet van die Dasjesdrift Huisteater nie gee ons ’n bietjie agtergrond.
Die teater, ’n “manor house” wat dateer uit 1933, is geleë op ’n plaas tussen Heidelberg en Witsand. Die huis wat die familie eens wou sloop, is vandag ’n pragtige gerestoureerde huis en pronk met ’n teater wat reeds gasheer gespeel het vir van die beste produksies wat al aangebied is in die land. Dit danksy Niel en sy ma, die ewe bekende Cecil Rademan wat besluit het “Basta met die geslopery!” en ook met die hulp van die gemeenskap die restourasie aan te pak. Kunstenaars en gehore is gaande oor die intieme teater.
Om terug te kom by die vertoning wat aangebied word in Maart, is Tullamore se optrede een wat nie misgeloop moet word nie.

Kaartjies is R200pp en kan per epos by neil.rademan@gmail.com.
Vir die mense wat nog lekkerder wil kuier, kan ’n piekniekpakket bestel word by:

Vinkel en Koljander: Anel Snyman –
082 067 6267
(Irma Huysamer – 060 822 2195) 

STILBAAI HEEN & WEER

 

So baie mense ry elke dag êrens heen… Winkel toe, Skool toe, Weste-kant toe, Ooste-kant toe, Jongensfontein, Melkhoutfontein, Riversdal, Albertinia, selfs Mosselbaai en George. Daar’s dinge om te doen, mense om te sien – maar dit gaan partykeer by ons verby dat daar diegene is wat nie gou in die motor kan spring nie.

Daarom ‘n nuwe groepie vir Stilbaai nou te vinde op Face Book: Stilbaai Heen & Weer.

Die doel was in die eerste plek om mense bymekaar te kry wat ‘n rygeleentheid soek of kan aanbied, veral wanneer ons na ons buurdorpe moet ry. Maar groter as dit – om binne ons gemeenskap iemand uit te help wat nie vandag 13:00 die kinders by die skool kan gaan haal nie, of nie kans sien vir loop om vanaand se kos te gaan koop voor dit donker word nie. Of in die reën!
Die groepie is oop vir almal wat wil deelhê aan hierdie initiatief, en almal sal aanvaar word en sal op die “wall” kan pos. Dit bied ander lede die geleentheid om daar deur te soek en/of daarop te reageer. As dinge goed verloop kan ons die verkeer (verder) verlig (nadat die vakansiegangers ons verlaat het), en mekaar sommer beter leer ken.
Die diens sluit in geleentheid vir passasiers of pakkies/items wat êrens moet uitkom en die diensleweraar is welkom ‘n koste te vra, solank dit vooraf so ooreengekom word. As daar diegene is wat gereeld ry, is u ook welkom om u kontakbesonderhede te deel, vir die eendag of elkedag.

Maar – als gesê en gedaan, bly die veiligheid van ons mense vir ons belangrik. As u ‘n reëling tref, bly dit u verantwoordelikheid om jou en jou familie se veiligheid te verseker. Ons probeer mense met mekaar “connect” om ons gemeenskap te baat. Nietemin wees verseker, as daar enige klagtes is, sal dit ons ernstige aandag geniet en skuldiges sal verwyder word om almal ‘n veilige kans te gee.
Besoek ons by: F/B Stilbaai Heen & Weer.
(Irma Huysamer) 

WAARNEMENDE MUNISIPALE BESTUURDER

 

Die vyf jaar kontrak van die huidige Munisipale Bestuurder, Mnr. Johan Jacobs wie sedert 1994 as Stadsklerk by voorheen genoemde Langeberg munisipaliteit die Hessequa gemeenskap gedien het, het op 31 Desember 2016 geëindig. Tydens ‘n spesiale Raadsvergadering op 12 Januarie 2017 het die Raad ‘n besluit gekondoneer om Me. Marina Griesel, huidige Direkteur Korporatiewe Dienste, as Waarnemende Munisipale Bestuurder aan te stel. Me. Griesel sal in die waarnemende posisie optree vir die volgende drie maande of tot en met die aanstellingsproses van die Munisipale Bestuurder pos voltooi is. Hierdie aanstelling word behartig volgens munisipale wetgewing en is implementeerbaar vanaf 4 Januarie 2017.
Aansoeke vir die Munisipale Bestuurder vakante pos het vroeg Januarie 2017 gesluit en sal die nodige aanstellingsproses volgens die Munisipale Stelselswet 54 A plaasvind.
Kontak:
Waarnemende Munisipale Bestuurder
Me. Marina Griesel
marina@hessequa.gov.za
Hessequa Munisipaliteit
Tel: 028 713 8000

HUIS STILBAAI INWONERS ONTVANG KERSGESKENKE

 

Die Busy Lizzie Huis-en Tuinbouklub Stilbaai loods jaarliks ‘n projek om
Kersgeskenke vir die inwoners van Huis Stilbaai in te samel. Die jaar 2016
was weereens ‘n groot sukses. Die klublede het reeds vroeg in die tweede
helfte van die jaar begin om hulle bydraes na die maandelikse vergaderings
saam te bring.
Die kommitteelede het Dinsdag 6 Desember al die geskenke afgelewer. Die
bestuurder van Huis Stilbaai, Babs Kirchner, was verheug oor die gebaar. Dit
is nie almal van ons wat, om verskeie redes, so gelukkig is om oor die
feesgety saam met ons dierbares deur te bring nie. Om hierdie rede voel dit
net reg dat ons ook daar ‘n bydrae probeer lewer.
(Irma Huysamer)

LIFE… with Elsa

 

Why do teens not believe/trust their parents?
During teen years all of us go through a period of finding ourselves; what we like, what we don’t like, what is important etc.
In my professional opinion and experience I believe that most teens experience their parents as:

  • annoying,
  • over protective,
  • assuming that the parent knows them
  •  deciding what they are like
  • feeling limited by them
    This is very rarely the parents’ intention and most parents just focus on doing the best they can, but find themselves feeling distant from their teens often.
    After working with teens for 2 years, I discovered that most of the teenagers I worked with, cannot express why they felt this way about their parents.

Let’s look at a few small mistakes parents make that can cause kids to ‘act out’ when they are teens;
trying to control their kids in what they should do or how they should be
disabling their kids instead of disciplining them
forgetting that their kids reflect everything in the parents that they haven’t dealt with.
And the most potent mistake;
not practising what they are preaching which teaches the child that the parent’s word cannot be trusted.
We need to stop believing that kids are stupid and they don’t notice or understand things and we need to start living lives of example.

Let’s make it practical;
Martha and Johan praise their son, Lucas, for being who he is, but yet they never celebrate who they are.
Seeing that a child under the age of 7 is only unconscious mind, Lucas’ unconscious mind were taught that his parents are praising him 1, for no apparent reason or 2, half-heartedly leaving him feeling unsupported. Yet, this was never the parents’ intention, but what Lucas’ unconscious mind understood from his parents’ conflict within themselves.
When the unconscious mind made such a potent assumption that turns into a belief, before the age of 7, it takes quite a mind shift to change it.

What can parents do to build a better relationship with their teens;

  • stop assuming and ask gracefully
  • get to know your teen inside out by spending quality time
  • live a life of example
  • share more of your own life in order for your teen to open up towards you.

 

What can teens do to build a better relationship with their parents;

  • remember that your parents love you unconditionally even though you might feel different
  • focus on all the positive things they do for you
  • see things from their point of view
  • love yourself first and then you will experience their love for you even more.

OORDENKING

SKRIFGEDEELTE : Psalm 125
FOKUSGEDEELTE : Psalm 125: 2

MAG DIE HERE IN 2017 RONDOM JOU WEES

Na al die vrolikheid en die ge-“happy” van die nuwe jaar se begin, staan ons voor die werklikheid van nog ‘n jaar met al sy uitdagings. Wat hou die nuwe jaar vir ons in? Gesondheid of siekte? Rykdom of armoede? Reën of droogte? Vreugdes of hartseer?
Wat hou my vas, wat gee my moed vir die nuwe jaar? Die enigste werklike sekerheid wat die gelowige het is dat die HERE rondom ons is. Dit is die troos van Psalm 125. Hierdie psalm is gesing deur pelgrims wat op pad was na Jerusalem om daar te gaan aanbid. Met paasfees moes hulle hulle tiendes na die tempel toe bring, maar ook geld saamvat om ‘n offer aan die HERE te bring. Die diere het hulle gekoop op die tempelterrein. Op pad na Jerusalem was daar baie gevare, onder andere rowers wat hulle wou beroof. Dan sien hulle Jerusalem! Hulle sien die stad wat besonder goed beskerm was met sy hoë stadsmure en sy ligging op ‘n berg. Die stad was strategies so geplaas en gebou dat dit een van die moeilikste stede van die outyd was om in te neem. Goed beskerm deur die berge was dit vir vyande wat berg-op moes veg, baie swaar en gevaarlik.
As die pelgrims dan Jerusalem sien en hulle besef dat die HERE hulle op hulle pad veilig gelei het, dan sing hulle : Rondom Jerusalem is berge, so is die HERE rondom sy volk van nou af tot in ewigheid (1933/53 vertaling). Dit is ‘n lied wat met groot blydskap gesing is, ‘n lied waarin die bewarende hand van die HERE geloof is.
Ons pelgrimspad vir die jaar 2017 lȇ voor ons. Op hierdie pad is daar benewens die mooie en goeie, ook baie gevare, swaar, beproewinge, nood. Hoe jou pad gaan loop in 2017 weet jy nie, maar van een saak kan jy verseker weet – Die HERE is rondom sy kind. Daar is geen kant wat oop is nie, Hy is rondom jou om jou te beskerm en te bewaar.

My bede is : Mag die HERE elke dag van 2017 rondom jou wees.

Ds Peet Coetzee
Gereformeerde Kerk Stilbaai (Reservoirstraat)