PERSOONLIKHEID VAN DIE WEEK – Esmarie Maré

 

U huidige beroep?
Narratiewe gesinsterapeut en Mediator.

Wat motiveer jou?
Wanneer ek iemand kan bemagtig om weer hoop te hê.

Noem een ding wat altyd jou belangstelling prikkel.
Iemand se storie.

Wat is die domste ding wat jy nog gedoen het?
Om met my nuwe iphone in my broeksak die see in te storm om my kleinkinders te keer om te diep in te gaan. Nodeloos om te sê dit was die einde van daardie iphone !

As jy en persoon se werk vir ‘n week kon oorneem, wie s’n sou dit wees en hoekom?
Prof Yolanda Dreyer se Praktiese Teologie-taak wat sy doen met soveel helder insig en wonderlike leiding. Sy leer jou wyer dink.

Wat was jou mees verleë (embarrassing) oomblik/ondervinding/geleentheid nog?
Ek is n jaar te vroeg skool toe en toe ek op hoërskool kom, was daar net ‘n paar meisies onder 13. Al het ek hoe daarteen gestry, het my skoolhoof-pa my gedwing om aan die atletiek deel te neem . Ek het aangetree en het net meisies by my sien verbyhardloop en ver heel laaste gekom terwyl so baie vir my gelag het. Ek het sommer aangehou hardloop tot agter die paviljoen.

As jy ‘n miljoen rand sou wen, hoe sal jy dit spandeer?
Ek sal onmiddellik vir 4-6 maande in Italië gaan bly op ‘n plek waar niemand Engels kan paat nie, sodat ek gedwing sal wees om Italiaans te moet praat. Sou daar geld oorbly, sou ek graag my familie en vriende wou bederf met iets spesiaals.

Het jy stokperdjies en/of wat is jou belangstellings?
Enige tipe musiek waarvan die wysie en lirieke en ritme dieselfde sê. Ek hou daarvan om voortdurend kennis te neem van nuwe maniere van dink, mense te help loskom van sosiale konstrukte wat hulle verlam. Ek neem graag foto’s, lees, reis, onthaal en sing graag.

Wat is jou gunsteling gereg en restaurant ?
Spesiale geregte by Illyria House in Pretoria.

As jy een wens van ‘n “genie” kon kry, waarvoor sou jy wens ?
Dat almal wat pyn het daarvan verlos kan word.

Deel ‘n paar interessante feite omtrent jouself.
Ek hou van mense al sou hulle anders dink as ekself, hou van nuwe uitdagings, leer graag nuwe dinge, is baie sentimenteel oor klein liefdesgebare van mense, ruim graag kuiertyd met vriende in.

Het jy ‘n boodskap vir die gemeenskap van die Hessequa-streek?
Geniet julle wonderlike natuur. Moenie in dispute verval, blaam uitdeel en vyande maak nie. Maak van ‘n mediator se dienste gebruik vir ‘n wen-wen situasie en fokus daarop om probleme in geleenthede te omskep.

Wat is jou gunsteling tydverdryf of stokperdjie ?
Ek luister graag na acapella sang, lees graag, probeer Italiaans onder die knie kry, stap en hou van kuier.

Print Friendly, PDF & Email

Leave a Reply