Category: Uncategorized

K9 GEBEURTENIS IN DIE STRYD TEEN KANKER

KANSA Relay For Life Riversdal te same met Community Animals Rescue Society 177-170 NPO (CARS) bied op Saterdag, 14 Oktober ‘n Bark For Life fondsinsamelingsprojek aan vir honde- en mense kankeroorwinnaars. Die Bark For Life geleentheid is die ideale geleentheid waar eienaar en hond die besonderse verhouding wat hulle deel, eer, in hul stryd teen kanker.

“Baie van ons honde-kinders is ook kanker-oorwinnaars of veg tans hul kankerstryd. Ander is deel van die oorwinnaarskorps wat juis ons kankerpasiënte in hul stryd teen kanker bystaan en ondersteun. Die Bark For Life, in samewerking met CARS, is ‘n besonderse geleentheid vir honde-eienaars en hul dierekinders om hul solidariteit teen die siekte te bewys. Die Bark For Life geleentheid vorm deel van die CANSA Relay For Life geleentheid maar het sy eie plek en tyd omdat ons jaarlikse CANSA Relay For Life Riversdal geleentheid weens logistieke redes nie voorsiening kan maak, vir die diere nie. Die geleentheid begin om 12:00 en diere kan met hul eieaars voor by Riversdal skougronde se hoofingang bymekaar kom. ‘n Kort program sal volg waarna die diere ‘n kort roete om die “hindernisbaan” sal stap sê Lucinda Viljoen, KANSA personeelvennoot vir CANSA Relay For Life Riversdal.

CANSA Bark For Life gee aan elke individu en sy hondekind/ers wat die kankerervaring op enige wyse ervaar het, die geleentheid om die stryd teen kanker te stry en bring gemeenskapslede op ‘n unieke wyse bymekaar wie dalk weens omstandighede nie die CANSA Relay For Life geleentheid kan of kon bywoon nie.

Hondekinders vorm altyd deel van ‘n familie en hulle kan self kanker onder lede hê of was self ‘n versorger vir ‘n kankerpasiënt in hul kankerstryd.

Hierdie honde is ook deel van die gemeenskap wat nie altyd die fondse het om hul hondekinders te kan steriliseer, wat ‘n groot invloed het met die voorkoming van kanker in diere. Hier speel CARS ‘n groot rol om die gemeenskap by te staan.

“Ons dierekinders betoon onvoorwaardelike lojaliteit en liefde, hulle is ons ondersteuners, ons sekuriteit en oordeel nooit hul mense-eienaars nie. Hulle is spesiale vriende wat ‘n spesiale CANSA Bark For Life geleentheid regtig verdien.”

Almal word uitgenooi om aan die CANSA Bark For Life tesame met CARS deel te neem. “Ons vra asseblief dat alle diere aan leibande vasgemaak sal wees en sou jy ‘n besonderse temperamentele hond het, dat jy asseblief jou troeteldier met groot omsigtigheid sal hanteer tydens die geleentheid, om sodoende die gebeurlikheid vir almal ‘n aangename ervaring te maak,” vra Lucinda.

Die hart van die CANSA Bark For Life geleentheid is om die besonderse verhouding tussen kankeroorwinnaar, dier en eienaar te eer en om sodoende die Kanker Vereniging van Suid-Afrika in hul fondsinsamelingsgeleentheid te ondersteun.
Kostes beloop R5 vir ingang by hekke per persoon met of sonder toeteldier. Bring asb ekstra geld vir die verskeie kompetiesies en stalletjies wat beskikbaar sal wees. Soos bv die geleentheid om aan verskillende kategorie vir ‘n hondeskou deel te neem. Inskrywingskoste per kategorie is R20.00 en lekker pryse kan gewen word.

Bark For Life het al getoon dat dit die geleentheid bied vir besighede wat dienste bied spesifiek tot diere soos opleidingsgeleenthede, veeartse, telers en hondebeskermingsverenigings om mekaar te ontmoet en mekaar se besighede te ondersteun.

Inskrywings kan op die dag gedoen word . Navrae kan gerig word aan Sandra Lotz 0829621831/0287134362 (CARS) / Junita Kleinhans 0824955212 (Bark for life CANSA) of Lucinda Viljoen, 082 66 33 529 of epos lucinda@cansa.org.za.

DIE KOSPAKKIE (Hannlie Gee Om)

In November en Desember gaan Die Kospakkie aan ongeveer 500+ minderbevoorregte kinders in die Suid-Kaap ʼn klein Kersgeskenkie gee. Ons benodig die volgende items asb. om ʼn sukses van hierdie projek te kan maak.

Benodig vir die partytjie:

Lekkergoed (Sweets bv. toffies, suigstokkie, marshmallows, Fizzers, ens.)
Skyfies (Chips bv. klein Niknaks pakkies wat in sakke van 50 verkoop word)
Koeldrank (Verkieslik in klein boksies, botteltjies, sakkies – aanmaak koeldrank is ook welkom)
Springmielies (Popcorn)
Koekies (Klein koekies)
Koek- Kolwyntjie mengsel (Die wat in bokse kom, sodat ons cup cakes daarvan kan maak)
Plastiek sakkies (Ongeveer die grootte waarin jy brood koop).
Enige ander items is ook meer as welkom.

Benodig vir die geskenke (seuns & meisies):

Geskenkpapier of geskenksakkies (nuut of gebruik – die wat gebruik is gaan ons net weer glad stryk)
Kleefband (Sellotape)
Tandepasta
Tandeborsel
Koekie seep
Waslap
ʼn Speelding (sien lys onder)
Skryfbehoeftes (sien lys onder)
Algemene skool benodighede (sien lys onder)
Enige ander items is ook meer as welkom.

Idees vir ouderdom-groepe:

0-3 jaar = ʼn Speelding bv. pop, karretjie
4-8 jaar = Potloodsakkie/blikkie, vetkryte, skerpmaker, liniaal, A5 oefen boek, stompneus skêr, gekleurde papier, kosblik met ʼn koeldrank bottel, plakkers, inkleurpotlode, gom uitdraai kryte.
9-10 jaar = Woordeboek, olie pastelle, HB potlode, Balpunt pen, plastiek oortreksels vir boeke, sakrekenaartjie, Potloodsakkie/blikkie, vetkryte, skerpmaker, liniaal, A5 oefen boek, stompneus skêr, gekleurde papier, kosblik met ʼn koeldrank bottel, plakkers, inkleurpotlode, uitdraai kryte, gom.
11-18 jaar = Highlighters, wiskunde-stel, dagboek, notaboekie, Potloodsakkie/blikkie, vetkryte, skerpmaker, liniaal, A5 oefen boek, stompneus skêr, gekleurde papier, kosblik met ʼn koeldrank bottel, plakkers, inkleurpotlode, gom, gekleurde penne, veselpenne (“koukies”).

Skenkings kan na die volgende afset punte geneem word:

RIVERSDAL: PostNet, Winkel 1, Dicksonstr 12, Riversdal, Amanda Louw 074 323 7813
STILBAAI: Bellevue Resort, Osler str 8, Stilbaai-Oos, Christa Uys 028 754 1505,
ALBERTINIA: SMS of bel vir (Hannelie) by 073 543 8778
GOURITSMOND: Hanlie Koffie Stories, Hanli Venter 082 854 3105. 0f Carina Marias 071 185 2588.

STILBAAI – MELKHOUTFONTEIN – JONGENSFONTEIN GELEENTHEDE – EVENTS

ñ Ingeligte gemeenskap is ñ gelukkige gemeenskap – An informed community is a happy community

Suid-Kaap Kinderkoor Gala Konsert | 14 Okt ’17 | 18H30 | Stilbaai Gemeenskapsaal | Mike Steytler | 028 754 1181

Suid-Kaap Kinderkoor Gala Konsert | 14 Okt ’17 | 18H30 | Stilbaai Gemeenskapsaal | Mike Steytler | 028 754 1181

Rolbal -Stilbaai Classic | 19 – 21 Okt ’17 | 09H00 | Stilbaai Rolbalklub | Veronica Engright |073 299 8957

Huis Stilbaai Golfdag | 21 Okt ’17 | Stilbaai Golfklub | Hennie Slabbert | 082 890 4025

Blissful Ladies – “Voluit Vrouwees” | 21 Okt ’17 | 13H30 | Jongensdal (Blombospad) | Didi Serfontein | 028 754 2236

U3A Stilbaai Maandelikse Vergadering |30 Okt ’17 | 09H00 |

Die WaenhuisRolbal – Borgdag | 01 NOV ’17 | 13H30 |

Stilbaai RolbalklubFondsinsamelingsete Stilbaai Sakekamer | 03 NOV ’17 | 19H00 |

Stilbaai GemeenskapsaalJaersbosch Buitekombuis | 04 NOV ’17 | 09H00 |

Die WaenhuisMannekooroptrede Tbv Jagersbosch & Huis Stilbaai | 10 & 11 | 19H30 |  Ng Kerksaal Oos | Veronica Engright |  073 299 8957

Rolbal – Borgdag | 22 NOV ’17 | 13H30 | Stilbaai Rolbalklub | Veronica Engright | 073 299 8957

Jagersbosch Buitekombuis | 02 DEC ’17 | 09H00 |

Die WaenhuisStilbaai Kuns & Kersmark | 9-23 DES ’17 | 09H00-17H30 | AGS Stilbaai Kerksaal

GEDIG DEUR: Bernard Fielies

My selfoon, lafenis vir my lot
en die sleutel vir my siel se slot

so versot op jou, sal voor jou swig,
soek jou konstant teen my gesig

net oë vir jou, ander kom laaste;
kom woon tussen my en my naaste

moet my “status” op “whatsapp update”, “add friends” op “facebook” my saligheid

“change” my “profile pic” wéér, min gespin wag die “likes and comments” sommer in

ek wil “afshow” en my “selfie share”,
waar ek tuitmond tussen vuil wasgoed lê

sluimer in, maar wil my oë nie sluit
en voel hoe jy hier langs my “vibrate“

ek baklei teen vaak, “battery low;
ag, gee my maar net ‘n “charger” gou…

Deur: Bernard Fielies 072 271 9205

RUBRIEK UIT STILBAAI

Onderstrominge van aktiwiteite hier in Stilbaai. In sommige strate word gate toegeplak, ander weer word oorgeteer; nuwe stopstrate verskyn; vensters en deure van huise wat die hele jaar toegestaan het, word oopgemaak; daar word afgestof en uitgevee.

Die afgelope langnaweek en met die kort vakansie, het mense begin aankom vir ‘n vrolike weersiens met familie en vriende en daar word oor en weer gesels en gekuier.
Die winkels wemel en mense koop hul kope. Winkeliers se rakke staan vol nuwe goed. Pakkers moet bybly om voorrade aan te vul. Dis nog nie swaarkry tyd in Stilbaai nie.

Nuwe huise word by die dosyne gebou en bouers moet hul voete lig om die huise klaar te kry voor die Desember vakansie. Verskaffers moet bontstaan om aan almal se versoeke te voldoen. Daar is ook ‘n hele aantal bestaande huise wat onlangs verkoop is.

Beskikbare grond om die rioolstelsel te verbeter, word tans sentimeter vir sentimeter opgemeet. Die landmeting word gedoen om te sien of daar ondergronds nog plek is vir addisionle kabels en dikker rioolpype onder die sypaadjies. Opgradering is nodig wanweё die inkommerploffing wat die afgelope jare in die dorp gebeur het. Die opgradering is noodsaaklik sodat riool nie in die see of die rivier beland nie.

Ons is dankbaar dat aan hierdie belangrike aspek van ontwikkeling aandag gegee word voor die vakansie sodat daar nie onaangenaamhede is vir die ongeveer dertigduisend besoekers wat verwag word tussen Kersfees en Nuwejaar nie.

Tans het Stilbaai bykans sesduisend permanente inwoners. In 1995 was daar tweeduisend vyfhonderd. Dis deesdae jongmense met kinders wat hier hul intrek kom neem omdat hulle veilig en vry wil wees.
Ai, die put-put baan wat reeds so onbenut daar langs die Bellevue staan.
Wes van die brug was daar jare gelede ‘n groot sementblad. Daar waar die skuitjies langs die rivier lȇ. Jongmense het bedags daar geskaats met hul rolskaatse en saans daarop gedans!

Vir draf, stap, fietsry, ‘windsurfing,’ en ander seeaktiwiteite wat tot meer waaghalsigheid lei, is Stilbaai die beste. Draf en stap is ‘n fisies en geestelik gesonde tydverdryf. Enkele stappers hou van die wind, al is hy hoe sterk. Daar op die ‘beach hier langs die see’ waai die wind probleme weg. Windverwaaide hare, bloesende wange en ‘n huppel in die stap bring weer verligting vir ‘n swaar gemoed.

Huishorlosies en radios moes met die aanbreek van lente twee minute teruggeskuif word. DSTV tyd is twee minute agter Suid Afrikaanse tyd.

Mense hier in Stilbaai het gewaarsku om wintersklere nie te gou weg te pak nie. Dit is toe so. Na enkele dae se heerlike sonskyn en amper somerhitte, dwing die suidwestewindjie se ysige koue jou om skuiling te soek en weer komberse uit te haal.

Met die lekker sonskyndae is daar egter irritasies. Muggies zoei om jou ore en steek gate in jou kop as jy in die tuin werk. Netnoumaar kom die vlieё, muskiete en ander goggas wat uit die niet hul intrek neem in jou huis.

Intussen verkyk mens jou aan die kleurvolle en asembenewende tuine vol blomme oral. Geel, pers, blou en wit bossies stoot behoorlik mekaar weg om beter gesien te kan word Die geel bitou bossies was eerste om die lente te verwelkom. En dan het óns nie eers die blommetjies in die velde geplant nie. Hulle kom sommer net op!

Baie inwoners hier in Stilbaai is bekommerd oor die buitelanders wat so werkloos in die strate rondloop. Logika sȇ dit lyk nie reg nie.
Thea Scheepers

https://www.facebook.com/EdenWaterproofing/

BESIGHEIDS FOKUS – Nasionale Houthuise :Bring jou idee, ons bou dit!

Beskryf u besigheid in ‘n kort paragraaf:
Ons bou houthuise, doen restourasies,aanbouings en installering van kombuise ens.

Wanneer het u besigheid begin?
Ons het ons besigheid Aug 2017 gestig, maar werk al 12 jaar in die bedryf.

Wat het u aangespoor om u besigheid te begin?
Geleentheid gesien vir goeie vooruitsigte en om diens te lewer vir mense teen bekostigbare pryse.

Op watter segment van die gemeenskap is u besigheid gemik?
Ek dink enige segment van die gemeenskap, want ons probeer elke mens help om hul droomhuis of kombuis te bewaarheid.

Watter produkte/dienste bied u aan?
Ons bou goeie gehalte houthuise en installeer kombuise volgens u spesifikasies, doen restourasies en algemene bouwerk.

Watter voordeel het u bo u mededingers?
Ons bou en werk teen bekostigbare , mededingende pryse om almal se sak te pas.

Persoonlikehoogtepunte/ suksesse/ prestasies?
Suksesvolle besighede sedert 2005.

Wat laat u besigheid bo ander uitblink?
Persoonlike diens en toesig. Ons loop die ekstra myl om kliënte gelukkig te maak en te hou.

Voltooi die volgende stellings:
“Ondervinding het my geleer dat ……………..”
Ondervinding het my geleer dat dit belangrik is om jou drome te volg en goeie gehalte, eerlike diens te lewer.

 

“In die toekoms sal my besigheid die volgende (aan) bied ………….”
In die toekoms sal my besigheid die volgende bied – Bekostigbare diens vir kliënte en ook om ‘n goeie gehalte diens.

Die belangrikste boodskap wat jy met die gemeenskap wil deel?
Daar is besighede wat eerlike gehalte diens lewer en ook daardie ekstra myl sal loop vir hul kliënte.

 

 

 

BESIGHEIDS FOKUS – National Sea Rescue Institute (NSRI) Stasie 31

Die NSRI, (Nasionale Seereddings Instituut), het landswyd ‘n goeie reputasie. Ons in Stilbaai weet almal van die groot NSRI gebou wat wes van die hawe staan. Dit is Stasie 31,en vir ons ‘n baken van veiligheid. Ons kan in noodsituasies altyd op die NSRI en sy personeel staatmaak. Met die oog op die naderende einde van die jaar vakansie, wanneer leerlinge, studente, skoliere, kinders, mammas en pappas, oupas en oumas die strande vol sit, is veiligheid van diesulkes in goeie hande.

Arrie Combrinck, Stasie 31 se bevelvoerder, het die volste vertroue in sy span se vermoё om elkeen se veiligheid te verseker.

Hoe diep mag julle in die see ingaan om drenkelinge te red?
Wel, swemmers raak gelukkig nie te diep in die see in die moeilikheid nie maar vir vissersbote mag ons tans nie meer as veertig seemyl, (74 kilometer) van die kus af wees as ons uitgaan nie. Afhangende van waar die noodgeval is, sal die NSRI die stasie naaste aan die nood, tot aksie roep.

Hoe weet julle waar die boot hom bevind?
Daar is kaarte wat lank gelede gekarteer is en wat elke paar jaar opgegradeer word, wat ons in die stasie se operasionele kamer gebruik. Die breedtegraad en lengtegraad word deur die boot wat in die moelikheid is, deurgegee met óf radio óf met selfoon (glo dit ja!) na óf die NSRI óf ‘Cape Town Radio’. Dit bepaal dan die posisie van die boot in nood, en van dié posisie af kan ons bereken hoe lank dit ons sal neem om daar te kom.

Watter tipe boot gebruik julle as reddingsboot?
Ons het tans ‘n 7,3m Gemini RIB (Rigid Inflatable Boat), en hoop om vroeg volgende jaar ‘n 8,5m RIB te ontvang. Die boot kan tot 8 persone, insluitende die bemanning, akkomodeer. Alle bemanning op die boot is noodhulp gekwalifiseer.

Watter soort toerusting word op die boot gebruik?
Afhangende van die aard van die redding, word toerusting op die boot gepak spesifiek met die tipe noodgeval in gedagte.Standaardtoerusting op die boot is; suurstof, sleeptou, mediese sak, komberse en ‘space blankets’. Crystal Stream is ons waterborg, so daar is altyd vars water beskikbaar. In erge mediese noodgevalle,soos hartaanval, beroerte en beenbreuke sal ons byvoorbeeld die AED(Automated External Defibrillator) saamneem en langer spalke.

Raak julle soms moedeloos as iemand wat julle red, moedswillig is?
Dit is ontstellend as die ernstige aard van so ‘n redding nie ervaar, erken of besef word nie. Dit sal net tot almal se voordeel wees as elkeen wat die see betree, dit verantwoordelik doen.

Wat is julle grootste kopseer?
Onverantwoordelike optrede van verbruikers op see en op paaie.

Wie kom die meeste in die moeilikheid – vissermanne of swemmers?
Dis vyftig-vyftig. Vissermanne, of enige persoon wat die see ingaan, moet veiligheidsreёls handhaaf. Vissermanne is sterk onder die indruk van die reёls maar beland soms onverwags, deur die onvoorspelbaarheid van die natuur, in die moeilikheid.

Hoe word julle,hier op land, bewus daarvan as ‘n boot en bemanning op die see in die moeilikheid is?
Daar is ‘n hele paar maniere waarop ons gekontak kan word. Die publiek kontak ons direk as dit plaaslike nood is. Ons word ook deur NSRI Hoofkantoor in Kaapstad gekontak. As hulle geskakel word deur die persone in nood, sal hulle die naaste stasie wat kan reageer, in kennis stel. Ons susterstasies by Witsand en Mosselbaai sal ons ook kontak asook Mosselbaai hawebeheer. Die plaaslike polisie kontak ons veral vir noodgevalle op land.

Wat is die stasie se reaksietyd?
Vandat ek die oproep ontvang, tot die boot in die water is, neem ongeveer 10 minute.

Hoeveel personeel is die hele jaar en vakansies aan diens?
Ons is agtien lede. Al die lede van die NSRI is vrywilligers en meeste van hulle is werkende mense. Ons is altyd paraat en bereid om van diens te wees.Ons kan nie skofte werk nie, want ons het nie genoeg personeel nie.
Vertel van die dienste en aktiwiteite wat julle aan leerlinge plaaslik bied om deel te wees van julle span.

Ons het ‘n ‘junior bemanning’ wat dieselfde opleiding ondergaan as die senior manne. Hulle opleiding is egter nie so intens nie. Die opleiding behels navigasie, noodhulp, basiese seemanskap, reddingstegnieke en touwerk.

Hoe oud moet ‘n kind wees as hy deel wil wees van hierdie edele roeping?
Vanaf tien jaar tot en met Graad 7 vir die junior groep, maar na Graad 7 skuif ons hulle oor na die seniorgroep vir meer intensiewe opleiding.Op sestien jaar kan hulle reeds ‘n volledige opgeleide bemanningslid wees.

Keur julle die kinders wat deel wil wees van die NSRI junior program?
Ons het ‘n afsnypunt ten opsigte van getalle. Hulle moet ‘n liefde vir die see hê, en hulle moet darem kan swem ook! ‘n Sin vir humor is belangrik!

Het NSRI (Nasionaal) ‘n bestendige inkomste?
Ons het baie donateurs wat debietorder skenkers is, asook korporatiewe skenkers.
Toevallige skenkers en die skippiebussies wat oral op winkels se toonbanke staan, is nogal’n groot bron van inkomste. Daar is ook ‘n bemarkingspan wat uit Kaapstad werksaam is.

Enige aktiwiteite vir fondsinsameling?
Op 31 Desember 2017 het ons weer ‘n pretdraf van 10 kilometer wat reeds vir die laaste 11 jaar aangebied word. Ons begin en eindig by die stasie. Hou plaaslike media dop!

Is hierdie werk wat jy doen vir die NSRI en trouens vir ons hele land se mense steeds ‘n avontuur?
Dit bly altyd ‘n avontuur, maar dit is ‘n verantwoordelike roeping.

Kontaknommer vir NSRI Stilbaai:
082 990 5978
Kontaknommer vir Arrie Combrinck
083 454 6945

(Thea Scheepers 0824464058)