Uncategorized

KLAVIER-EN VIOOLKONSERT DEUR WÊRELDBEROEMDE EGPAAR OP STILBAAI.

Op Sondagmiddag 4 Februarie 2018 om 4nm. bied die Stilbaai Musiekvereniging hulle openingskonsert vir die jaar aan in die NG Kerksaal-Oos. Nikolaas Kende, die Belgiese pianis en professor in Musiek aan die Koningklike Konservatorium te Antwerpen tree op saam met sy eggenote en befaamde violis, Jolente de Maeyer in ‘n konsert wat beloof om baie vriende vir hulle te maak. Dit vorm deel van hulle eerste konserttoer deur Suid-Afrika. Hulle program behels sonatas vir klavier en viool van Mendellsohn, Robert Schumann en die Kreutzer Sonata vir viool en klavier van Beethoven. Hulle nuwe opname van hierdie Beethoven-werk het vir hulle in Junie 2016 die gesogte “Golden Label Award” losgeslaan!

Jolente het haar eerste vioolles gehad toe sy vier jaar oud was. Sy het so goed gedoen dat sy op veertien jaar oud deur Jehudi Menuhin genooi is om sy musiekskool by te woon en daarna haar studies voortgesit het by die Royal College of Music in Londen en ander hoogs beroemde instansies in Duitsland en België. Sy het sedert sy 6 jaar oud was dikwels internasionale kompetisies gewen en het in 2003 saam met Nikolaas Kende begin optree . Die twee het toe in 2007 die Rubens Ensemble gevorm.

Nikolaas is in 1981 gebore in ‘n musiekgesin. Op 5 jarige ouderdom begin sy klavieronderrig deur sy ouers en kulmineer in sy studies aan de Konservatoriums van Amsterdam en Antwerpen en daarna na Duitsland waar hy sy Meesterklasdiploma ontvang. Hy wen sedert ‘n baie jong ouderdom vele musiekkompetisies en pryse. Op ‘n jong ouderdom het hy reeds sy internasionale loopbaan begin en het en tree steeds gereeld op in die bekendste konsertsale van Europa en Amerika, alleen en saam met van die mees beroemde klassieke kunstenaars van die huidige era. Hy het ook baie opnames gemaak vir radio en televisie vir verskeie Europese lande en tree ook gereeld op oor radio en televisie.

Kaartjies is te koop by CUPZ Cafe, Lilliput en by die deure en kos R80 vir lede en R100 vir nie-lede.

van die Redaksie

Iemand het eenkeer gesê: “Die eerste vuishou wat jy iemand toedien, kom dikwels in die vorm van ‘n woord….”
Die manier waarop jy vir iemand iets sê kan ‘n blywende indruk en invloed op hulle lewe, gesindheid en selfbeeld hê.

Almal van ons is op die een of ander manier hieraan skuldig. Dit hoef nie noodwendig tydens ‘n woordewisseling te wees nie, soms maak ons onwetend ‘n aanmerking wat iemand seermaak of waardeur hulle beledig voel.

Dink voor jy praat, want as dit eers gesê is kan jy woorde wat seermaak of beledig nie terugtrek nie.

Na ‘n kuier saam met vriende het ek net weer besef hoe sekere kwetsende aanmerkings jou besluite en keuses in die lewe kan beïnvloed. Almal het die aand ‘n storie te vertelle gehad, oor iets goed of sleg wat veral ‘n onderwyser/es, ouer, vriend/in, broer of suster kwytgeraak het.

Sommige mense glo graag hulle is baie snaaks en maak allerlei ongevraagde grappies. Kies jou geselskap en vriendekring, sulke grappies word nie altyd deur almal teenwoordig waardeer nie. Behalwe dat dit ‘n uiters onaangename en ongemaklike situasie kan veroorsaak, bederf dit die geleentheid. Dikwels lei sulke onvanpaste uitlatings ook tot ‘n argument en bakleiery met verreikende gevolge.

Verlede naweek se stormloop en vernietiging van eiendom by die H&M winkels regoor die land is ‘n goeie voorbeeld van hoe die bewoording van ‘n advertensie/bemarking aanstoot kan gee en gemoedere kan opjaag….om nie eens van Donald Trump se uitlatings te praat nie.

Ons vergeet maklik die fyn lyn tussen –
· sommer net iets sê en ondeurdagte woorde wat seermaak.
· Iemand wat nie sy woord hou nie.
· Iemand wat agteraf is en nie ‘n probleem trompop loop nie.
· Iemand wat skinder en stories aandra.

Ons wil vir die oortreder kwaad wees, maar elkeen van ons is self op die een of ander manier hieraan skuldig.

Plaas ‘n wag voor jou mond en moet nie dinge sê as jy kwaad is nie….want die kans dat jy dit later kan berou is baie goed.

NSRI STILBAAI – 10 KM RACE

The Stilbaai NSRI 10 km is held annually on 31 December @ 7:00 from the NSRI building at the Stilbaai harbour. The harbour area was a buzz with people launching their boats and others, supporting the record number of approximately 1200 runners that took part this year. The proceeds for the event is donated to the NSRI Station 31 in Stilbaai to assist them in their work.

Die pryswenners van die 10 km wedloop saam met Arrie Combrinck –stasiebevelvoerder, Ross van Reenen – medaljeborg en Nico Steenekamp – organiseerder.
(Foto: Elza Thiart-Botes)

(Photos: rbrobinblog)
The event is open to all runners, joggers and walkers and the perfect opportunity for visitors to take advantage of the beautiful scenery around Stilbaai.

STILBAAI ROLBALKLUB Uitslae van die JC Slagtery Borgdag, 13 Desember 2017:

Hiermee die uitslae van Stilbaai Rolbal klub-kompetisie wat op Woensag, 13 Desember 2017 in sterk wind plaasgevind het. Daar het ‘n hele klomp besoekers saam meegeding vir die groot vleis pryse wat deur JC Slagtery, Riversdal geborg was. Selfs die sterk wind kon van die besoekers nie afsit nie en nie minder as 3 besoekers het pryse gewen. (Irma Huysamer)

Die Wenners
Vlnr : Elsabe van Rhyn (besoeker),
Elzie Erasmus en Skip- Simon Mattheus (besoeker).
Tweede Prys
Vlnr: Dup van Reenen, Jan Stein en Skip- Gavie du Toit (besoekers).
Derde Prys
Vlnr: Wessel Potgieter, Kitta de Jager en Skip- Hennie Steyn.

NUWE TEGNOLOGIE VIR BOETEKAARTJIES

Die uitrol van ‘n nuwe elektroniese handtoestelsisteem sal Hessequa Verkeersbeamptes in staat stel om die uitreik van boetes meer vaartbelyn te maak.
Die toestel staan bekend as die elektroniese boete uitreikingstelsel en kan motoriste se inligting outomaties gelees word deur middel van ʼn nommerplaat of bestuurderslisensie te skandeer.

Bestuurders se inligting word outomaties gelaai op die elektroniese toestel, inplaas daarvan dat dit met die hand ingevul word op die ou pienkkaartjie.

ʼn Boetekaartjie word onmiddellik uitgedruk deur middel van ʼn mobiele drukker en aan die bestuurder oorhandig. Oortreders kan boetes vinniger betaal aangesien die inligting reeds op die stelsel vasgevang is en verskyn. Boetes kan deur middel van elektroniese fondsoordrag betaal word, by Munisipale kassiertoonbanke of by die Verkeerskantoor.

Bestuurder Beskermingsdienste, Adneshel Voss noem dat die gebruik van die toestel is deur die Landros Forum en die Staatsaanklaer aanvaar. Geen inligting soos wat op die ou boetekaartjie verskyn het is weggelaat nie, inteendeel die elektroniese toestel bevat meer inligting.

Waarom gebruik munisipaliteite hierdie toestelle?

Dit sny baie papierwerk uit en verminder die gebruik van stoorspasie.
Verminder menslike foute met die uitreiking van die boetes.
Bevat meer inligting oor die bestuurder en uitstaande boetes.
Kostebesparing vir die Raad.
Verminder die gebruik van papier.

Wat belangrik is vir die gemeenskap om in ag te neem, is dat die beampte wat die boetes uitreik in besit moet wees van ‘n aanstellingsertifikaat. Indien die aanstellingsertifikaat nie getoon kan word nie, mag die betrokke persoon nie ʼn boete uitreik nie.

Tannie Evita Kom Kuier In Heidelberg

Heidelbergers kan hul gereed maak vir ‘n uitsonderlike gebeurtenis met die land se mees bekende tannie, Evita Bezuidenhout op Maandag, 12 Februarie om 18:30 by Dasjesdrift Teaterhuis van Niël Rademan, bekende sanger en verhoogkunstenaar. ( Vir verdere navrae kontak gerus 079 697 1574. )

“Tannie Evita praat Kaktus” is die titel van haar staatsrede. Ons Tannie kyk na die politiek van die oomblik, die vrese van vandag, die spoke van gister en die tsunami’s van die toekoms van 1652 tot 2018: die lief en leed, die soet en suur, altyd met haar tong in jou kies en die belaglikheid van ons politiek in jou glimlag.   ( Irma Huysamer )

KARATE CLUB STILBAAI (OGKK)

Dojo re-opens January 2018 | Community Hall – Stilbaai
Monday & Wednesdays at 15:00

The last Gashuku and Grading for Stilbaai OGKK Karate
took place on 29 November 2017.

Back row from left to right:
Luke Symons, Penny Symons (green), Anre Farre (brown), Elaine Hardy (green), Sandra van Jaarsveld (brown), Trinity Griffiths (brown), unknown.

Middle row:
Wiehan Kok (green), Dr Karlien van Zyl (green), Charline Brennan (2nd dan), Armand Farre (blue), Jaco de Bruin (green), Brenda Neate (5th dan), Nadia de Bruin (blue), Rosa van Zyl (green), Lee Symons (green).

Seated in front:
Johan van Zyl (orange), Wyatt Griffiths (blue), Wiehan van As (green), with club mascot, Ninja.

 

Nadia and Jaco de Bruin took part in the Mossel Bay Sports Festival where she won gold for Kumite and he silver.

 

Armand en Anre Farre received their Western Cape Colours last year and represented Stilbaai Karate at the All Style SA’s in Durban.

 

Trinity Griffiths, who recently graded for Brown Belt in Goju Ryu Karate (OGKK) also qualified for Eden All Style Karate Colours for a second time, as did her brother. Wyatt was previously in the Development Squad. They will both take part in the Western Cape Champs In January. Were they to be successful, they would go through to the All Style SA’s in Durban later in 2018.