Beskryf u besigheid in ‘n kort paragraaf:
Business Finder is ‘n jaarlikse besigheidsgids wat Desember/Januarie elke jaar gratis versprei word vanaf Riversdal tot by Groot Brak Rivier. Ons het ‘n passie vir plaaslike besigheid en hou daarom die area van ons verspreiding gefokus om sodoende die plaaslike ekonomie van ‘n area te bevorder. Die Business Finder is nie ‘n ‘junk mail’ nie maar eerder ‘n hoë kwaliteit, volkleur ‘glossy’ publikasie waarop ons adverteerders trots is om in te adverteer.

Wanneer het u besigheid begin?
Die Mosselbaai Business Finder strek al by die 9de uitgawe en ons was trots om dié jaar die eerste George Business Finder te loots.

Wat het u aangespoor om u besigheid te begin?
Marknavorsing het bewys dat slegs 19% van plaaslike inwoners (Tuinroete en Hessequa) gebruik maak van die internet vir aankope of navorsing. Behalwe vir die plaaslike koerante en verskeie weeklikse of maandelikse ‘weggooi blaaie’ is daar nie regtig ‘n goeie, hoë kwaliteit advertensie opsie nie en dus was daar ‘n gaping in die mark wat ons met ope hande gegryp het.

Op watter segment van die gemeenskap is u besigheid gemik?
Die Business Finder is een van die enigste publikasies van sy soort wat aanklank vind by beide die plaaslike- sowel as toerisme mark. Nie net is daar afdelings vir die bou industrie, medies, gesondheid, profesionele dienste en vele meer nie – maar ons restaurant gids en verblyf- en aktiwiteite afdeling is baie populêr onder besoekers. Ons verspreiding verseker dat alle privaat inwoners, toeriste en besigheidsmense toegang het tot die Business Finder en hul adverteerders.

Watter produkte/dienste bied u aan?
Omdat ons ernstig en passievol is oor besigheid (ons eie sowel as ons adverteerders) bied ons bekostigbare, hoë gehalte bemarking deur advertensies. As ‘n ekstra diens bied ons weeklikse, gratis, netwerke aan vir ons kliënte – Woensdae 09h00 in Mosselbaai en Donderdae 09h00 in George.

Watter voordeel het u bo u mededingers?
Ons publikasie is van ‘n baie hoë gehalte en is kleurvol en maklik om te gebruik. Dit bevat ook die jaar almanak, getye, padkaarte en baie meer – alles om die leser se lewe makliker te maak. Ons passie en kennis van die area stel ons in staat om ‘n gehalte en relevante produk te lewer. Ons suster-maatskappy, Omni Marketing, spesialiseer in ontwerp en ander bemarkingsdienste so ons Business Finder kliënte is verseker van die beste advertensie en bemarkingsopsies – en top gehalte, gratis ontwerp van hul Business Finder advertensie!

Persoonlike
hoogtepunte/suksesse/prestasies
Business Finder groei elke jaar meer en meer en aangesien baie van ons kliënte ander bemarkings materiaal nodig het, het ons in 2013 besluit om Omni Marketing bekend te stel wat alle bemarkings- en ontwerp vasette van die besigheid hanteer. (Omni Marketing het in 2015 die Mosselbaai Caravel toekenning gewen vir “Excellence in Online Marketing”.) ‘n Groot pluimpie vir ons is die feit dat die Mosselbaai Business Finder vanaf 2012 deur die Mosselbaai Munisipaliteit onderskryf word en as gevolg van die Mosselbaai uitgawe se sukses het die George Besigheidskamer reeds met ons eerste uitgawe dié publikasie onderskryf!

Wat laat u besigheid bo ander uitblink?
Ons bestuurs- asook personeel is bekwaam en gekwalifiseer. Ons het tussen ons meer as 50 jaar ondervinding in Reklame en Bemarking.

Voltooi die volgende stellings:
“Ondervinding het my geleer dat ……………..”
Elke kliënt, groot of klein, dieselfde doel het – om uit te staan teen die opposisie en om ‘n goeie wins daaruit te maak, dus is al ons kliënte ewe belangrik vir ons. En dat dienslewering ons belangrikste kommoditeit is.

“In die toekoms sal my besigheid die volgende (aan) bied ………….”
Nou dat ons die George uitgawe suksesvol blootgestel het kyk ons na ander areas om na uit te brei. Om nie agter te bly met die tyd nie, het ons besluit om ‘n groot kapitale belegging aan te gaan en ons reeds populêre webtuiste oor te doen sodat dit meer effektief en gebruikersvriendelik is.

Die belangrikste boodskap wat jy met die gemeenskap wil deel?
“Running a business without advertising is like winking at a girl in the dark; you know what you are doing but nobody else does!”
Kontak besonderhede:
Naam – Lynette Whittaker
Tel no. – 044 690 3752 (hoofkantoor)

11

NUUTSTE SKOONHEIDSTEGNOLOGIE by Fynbos Apteek

Soos die meeste van u self reeds gesien het, het die Fynbos Apteek oor die afgelope paar maande ‘n reeks opwindende veranderings ondergaan.

Vandat ons nuwe Apteker, Willie Delport by ons aangesluit het, is sy positiewe bydrae duidelik sigbaar .

Tesame met ons toegewyde personeel poog ons steeds om leiers op ons gebied te wees deur voortdurend te strewe na die beste diens. Ons het nou ook driemaandelikse sowel as maandelikse promosies beskikbaar. Hou asb die media dop vir al ons ander dienste en spesiale aanbiedinge.

Ons Skoonheidsalon is die nuutste toevoeging tot dienste beskikbaar by die Apteek.

Valerie Prins is ons Skoonheidsterapeut en verantwoordelik vir die beste, professionele diens aangebied by ons apteek. Daarby is sy in pas met die voortdurend veranderende en vernuwende bedryf. Ons salon is ook nou ‘n onafhanklike Placecol-Salon.

Van ons nuutste toerusting wat aangekoop is vir hierdie doel sluit in die Placecol Sagte Laser en die Diamond Peel Microdermabrasie masjien.

Die Placecol Sagte Laser (lae vlak sagte Laser) is ‘n vorm van lig terapie, waarvan die hoof terapeutiese beginsel berus op biologiese stimulasie.

Voordele van die PSL:
• Behandeling van Pigmentasie
• Verhoog bloedsirkulasie (meer suurstof en nutriënte word voorsien)
• Limfdreinering word bevorder (verwydering van gifstowwe)
• Vel se elastisiteit word verhoog
• Kollageen produksie word gestimuleer
• Beter absorpsie van velsorgprodukte

Spesifieke probleme wat behandel word:
• Vergrote porieë
• Verstopte porieë
• Kalmeer vel irritasies
• Fyn lyne
• Donker kringe onder oë
• Littekens
• Rooi aartjies op die neus
Die PSL het geen newe-effekte.
Diamond Peel Microdermabrasie
Microdermabrasie is ‘n veilige en effektiewe prosedure om die vel te vernuwe.

Die kombinasie van afskilfering (met die diamant kop van die masjien op kliënt se vel) en suigaksie terselfdetyd, stimuleer die produksie van gesonde lewende selle in die basale laag van die vel.

Die Diamond Peel is ‘n Kristal-vrye microdermabrasie. Die prosedure is tyd-effektief, sagkens, skoon, los geen residu op die vel, en die Terapeut kan sien presies hoeveel dooie vel en afval verwyder word.

Indikasies vir prosedure:
• Fyn lyntjies, plooie, asook frons en kraaiplooitjies
• Verouderde vel
• Aknee letsels
• Dowwe, lewelose vel
• Komedoon /milia verwydering
• Pigmentasie en ouderdomsvlekke
• Littekens
• Verslapte vel
• Rokers vel

Voordele van
Diamond Peel Microdermabrasie:
• Help om vel se natuurlike nutriente aan te vul
• Bevorder sellulêre aktiwiteite
• Verbeter elastisiteit en tekstuur
• Bevorder die voorkoms van ‘n gesonde vel
• Feitlik geen newe-effekte
• Effektief op alle velkleur en tipe
• Geen verdowing nodig
• Uitstekend vir vel sensitief teenoor chemiese
afskilfering

Wanneer u die salon besoek vir ‘n Diamond Peel word u vel eers volledig ge-analiseer om seker te maak dat geen kontra-indikasies teenwoordig is nie. Die PSL is ‘n onontbeerlike deel van hierdie behandeling, waarna gespesialiseerde serums en maskers toepaslik vir elke kliënt aangewend word.

Fynbossentrum – Stilbaai
Tel. 028 754 1860 | prinsesval@gmail.com

TUINMAAK met Leani

Voorstelle vir punte om na te let met plante aankope

Dit is belangrik om met gesonde plante te begin. Begin met blaar kleur. Geel blare is die eerste indikasie van stres as gevolg van te veel of te min ‘n tekort aan kunsmis en water. Dit het nie betrekking op goue blaar variëteite nie.

Volgende is plant wortels. ‘n Teken van sterk wortels is klein fyn wortels wat by die dreineringsgate uit groei. Groot dik wortels wat deur die dreineringsgate groei is ‘n teken dat die plante pot gebonde is. Plante wat te lank pot gebonde is se groei word belemmer en sal nie floreer nie.

Moenie jou laat flous nie deur mooi blomme en bloeisels nie. Wanneer jy plante kies wat reeds in blom is vat eerder die plant wat een of twee bloeisels aan het. Vermei plante wat lyk of hulle al weke in blom is. Eenjarige plante kan stres en uit blom, so ook kan perenniele plante wat reeds in blom is suksesvol verplant word, maar sal nie swaar blom tot die volgende jaar nie.

Kompos verryk jou grond en verbeter die grondstrukture. ‘n Meer growwe struktuur is beter om lug en water in jou grond in te laat en vergemaklik wortel penetrasie. Kompos bevat talle ensieme en mikrovoedingstowwe wat voordelig is vir plante en bevorder ook hul immunstelsels. Kompos het ‘n neutraliserende effek op die grond pH wat die plante toelaat om voedingstowwe te absorbeer uit die grond. Kompos is natuurlik en kan as dit reg gedoen word jou beste organiese voeding vir jou tuin wees en bevat min stikstof.

Dis belangrik om plante te plant in gate van dieselfde diepte as die houer waarin jy hom gekoop het. Maak ‘n vierkantige gat eerder as ‘n baie diep gat, omdat nuwe wortels geneig is om sywaarts te groei eerder as afwaards.

Wanneer jy water gee is dit beter om die wortels nat te maak eerder as die hele plant. Probeer om die blare droog te hou om blaar-plek siektes te verhoed. Dis beter om jou plante vroeg oggend water te gee voor die temperature styg .In ‘n dorre klimaat is dit weer beter om in die aand water te gee om verdamping te verminder.

Snoei verlepte en dooie blomme en takkies om die plante te kul om nuwe lote en blomme te produseer. Dit laat jou tuin ook netjies vertoon.

Met die basiese take kan jy ‘n gesonde tuin handhaaf.

Leani Kwekery: 044 620 2565